පොදු ව්‍යාපාර පිළිබඳ පාර්ලිමේන්තු කාරක සභාවට (කෝප් කමිටුව) සමගි ජන බලවේගය පක්ෂයෙන් කිසිවෙකු හෝ නම් නොකරන බව විපක්ෂයේ ප්‍රධාන සංවිධායක මහනුවර දිස්ත්‍රික් පාර්ලිමේන්තු මන්ත්‍රී නීතිඥ ලක්ෂ්මන් කිරිඇල්ල මහතා පවසනවා.

ඔහු තවදුරටත් සඳහන් කර ඇත්තේ රෝහිත අබේගුණවර්ධන මහතා එම කමිටුවේ මුල් පුටුවේ සිටින තුරු තම පක්‍ෂයෙන් සාමාජිකයන් නම් නොකරන බවයි.

පාර්ලිමේන්තු මන්ත්‍රි රෝහිත අබේගුණවර්ධන මහතා කෝප් කමිටු සභාපති ධූරයට පත්වීමට විරෝධය පළ කරමින් මේ වනවිට කෝප් කමිටු සාමාජිකයින් 30 දෙනා අතරින් 11 දෙනෙකු ඉල්ලා අස්වී තිබෙනවා.