ප්‍රමිතියෙන් තොර ඉමියුනොග්ලොබියුලින් එන්නත් කුප්පි ආනයනය කිරීමේ සිද්ධියට අත්අඩංගුවට ගත් මෙරට සමාගමේ හිමිකරු එළඹෙන 29 වැනි දා දක්වා තවදුරටත් රක්ෂිත බන්ධනාගාරගත කර තිබෙනවා.
ඒ සැකකාර සමාගම් හිමිකරු අද (15) කොළඹ මාලිගාකන්ද මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුවයි.
කුප්‍රකට ඉමියුනෝග්ලොබියුලින් (Immunoglobulin) ගනුදෙනුව සම්බන්ධ සියලු සැකකරුවන් නොවැම්බර් 16 වැනි දා ට පෙර අත්අඩංගුවට ගැනීමට මාලිගාකන්ද මහේස්ත්‍රාත්වරිය ඉකුත් දා නියෝග කළ අතර ඒ අනුව අදාළ සමාගමේ හිමිකරු ද අත්අඩංගුවට ගැනුණා.
Immunoglobulin නැමති ඖෂධය ගෙන්වීමේ දී බාල තත්ත්වයේ ඖෂධ ගෙන්වා ඇති බවත්, අදාළ ප්‍රසම්පාදන ක්‍රියාවලියේ දී ව්‍යාජ ලිපි ලේඛන යොදාගෙන තිබූ බවත් සෞඛ්‍ය අංශය නියෝජනය කරන වෘත්තිය සමිති විසින් අනාවරණය කරනු ලැබූ අතර අදාළ ප්‍රසම්පාදන කටයුත්තේ දී සිදුව ඇති අක්‍රමිකතාවන්ට අදාළව අල්ලස දූෂණය හා නාස්තියට එරෙහි පුරවැසි බලය සංවිධානය සහ සිවිල් සංවිධාන එකතුමුතුව විසින් අපරාධ පරීක්ෂණ දෙපාර්තමේන්තුවට කර තිබූ පැමිණිල්ලට අදාළව අධිකරණයට දැක්වීමෙන් අනතුරුවයි මාලිගාකන්ද මහේස්ත්‍රාත් ලෝචනා අබේවික්‍රම මහත්මිය විසින් ඔවුන්ව අත්අඩංගුවට ගන්නා ලෙස ඉකුත් දා නියෝග කළේ.
