රන්ජන් රාමනායක මහතාගේ නායකත්වයෙන් යුතු එක්සත් ප්‍රජාතන්ත්‍රවාදී හඬ පක්ෂය ඡන්දදායකයින්ට බෙදා දීමට සූදානම් කර තිබූ භාණ්ඩ තොගයක් වැල්ලවත්ත පොලිසිය සහ මැතිවරණ කොමිසමේ නිලධාරීන් ඇතුළු පිරිසක් විසින් ඊයේ (10) රාත්‍රියේදී වටලා තිබෙනවා.
වැල්ලවත්ත පෞද්ගලික හෝටලයක තිබූ එම පක්ෂයේ නිර්මාතෘ අලි රාජා සුබාස්කරන් මහතාගේ ඡායාරූපය අලවන ලද වියලි ආහාර වර්ග මලු , බෝතල් , පවර් බෑන්ක් , ඩයරි , මග් ආදී භාණ්ඩ තොගයක් මෙලෙස හසු වී තිබුණා. ඒ, මහ මැතිවරණයට අදාළ ප්‍රචාරණ කටයුතු අද (11) මධ්‍යම රාත්‍රියෙන් අවසන් වන බව මැතිවරණ කොමිසම නිවේදනය කර ඇති පසුබිමකයි.
මෙය දූෂිතත ක්‍රියාවක් බැවින් මැතිවරණ නීති උල්ලංඝනය කිරීම යටතේ මෙම සියලුම භාණ්ඩ පොලිසිය සහ මැතිවරණ කොමිසමේ භාරයට ගැනීමට අදාළ බලධාරීන් කටයුතු කර ඇති බව වැඩිදුරටත් වාර්තා වෙනවා.
