වත්මන් රජය කෙරෙහි තිබෙන ජනතා අනුමැතිය ඔක්තෝබර් මාසයේදී 9% දක්වා පහත වැටි ඇති බව නවතම ‘මූඩ් ඔෆ් ද නේෂන්’ මත විමසුම මගින් පෙන්නුම් කරන බව Verité Research ආයතනය පෙන්වා දෙයි.
Verité Research හි Gallup style ‘Mood of the Nation’ මත විමසුමේ නවතම වටයට අනුව රජයේ අනුමත ශ්‍රේණිගත කිරීම 2023 ජූනි මාසයේ 21% සිට 2023 ඔක්තෝම්බර් මාසයේදී 9% දක්වා පහත වැටී ඇති බවයි පෙන්න දෙන්නේ.
2023 ජූනි මාසයේ සිට ජාතියේ තත්වය පිළිබඳව ඔවුන් සිදුකරන සමීක්ෂණයෙන් හෙළිවන්නේ ජූනි මාසයේ 12% සිට හරි අඩකින් 6% දක්වා මේ වන විට පහත වැටී ඇති බවත් වත්මන් ආණ්ඩුවේ ආර්ථික විශ්වාසනීය ලකුණු ද ජුනි මාසයේ සෘණ (-) 44 සිට සෘණ (-) 62 දක්වා පහත වැටි ඇති බවත්ය.
Mood of the Nation මත විමසුම ජාතික වශයෙන් නියෝජනය වන ප්‍රතිචාර නියැදියක් මත පදනම්ව සිදුකරන අතර වසරකට තුන් වතාවක් මෙම මත විමසුම Verité Research ආයතනය මගින් පවත්වනු ලබයි.
මෙහිදී “වත්මන් රජය ක්‍රියා කරන ආකාරය ඔබ අනුමත කරනවාද ප්‍රතික්ෂේප කරනවාද?” යන්නෙන් සිදුකරන පර්යේෂණයේදී 9%ක ප්‍රමාණයක් පමණක් රජයේ ක්‍රියා කලාපය අනුමත කරන අතර තවත් 7%ක් කිසිඳු මතයක් ප්‍රකාශ කර ඇති අතර ඒ අනුව 84%ක් වත්මන් රජයේ ක්‍රියා කලාපය ප්‍රතික්ෂේප කරන බව මෙම මත විමසුමේදී අනාවරණය වේ.
Mood of the Nation සමීක්ෂණය සැලසුම් කර ඇත්තේ රජය, රට සහ ආර්ථිකය සම්බන්ධයෙන් ජාතියේ අනුමැතිය, තෘප්තිය සහ විශ්වාසය තක්සේරු කිරීම සඳහා වන අතර මත විමසුම පදනම් වී ඇත්තේ 2023 ඔක්තෝබර් 21 සිට 29 දක්වා පවත්වන ලද, ශ්‍රී ලාංකික වැඩිහිටියන් 1,029 දෙනෙකුගේ දීප ව්‍යාප්ත ජාතික නියෝජිත ප්‍රතිචාර නියැදියක් මත බවයි එම ආයතනය සදහන් කරන්නේ.
මෙම මත විමසුම පවත්වනු ලබන්නේ Verité Research හි සින්ඩිකේටඩ් සමීක්ෂණ උපකරණයේ කොටසක් ලෙස ඡන්ද දායකයා වන Vanguard Survey (Pvt) Ltd සමඟිනි. මෙම මෙවලම ශ්‍රී ලංකාවේ හැඟීම් සමීක්ෂණය කිරීමට අනෙකුත් සංවිධානවලට ද අවස්ථාව සලසා දෙයි.
