ඉන්ධන ආනයනය සහ සිල්ලර විකුණුම් වෙළෙඳපොළ තෙල් නිෂ්පාදනය කරන රටවල සමාගම්වලට විවෘත කිරීමට (පෞද්ගලීකරණයට) කැබිනට් අනුමැතිය හිමිවූ බව විදුලිබල හා බලශක්ති අමාත්‍ය කංචන විජේසේකර ට්විටර් පණිවිඩයක් නිකුත් කරමින් ප්‍රකාශ කර තිබේ.
1) Cabinet Approval was granted to open up the Fuel Import and Retail sales market to Companies from Oil producing Nations. They will be selected on the ability to Import Fuel and operate without Forex requirements from the CBSL and Banks for the first few months of operations.
— Kanchana Wijesekera (@kanchana_wij) June 28, 2022
ඒ අනුව අදාළ සැපයුම්කරුවන් තෝරාගනු ලබන්නේ ඉන්ධන ආනයනය කිරීමේ හැකියාව මත සහ මෙහෙයුම්වල පළමු මාස කිහිපය සඳහා ශ්‍රී ලංකා මහ බැංකුව සහ බැංකු වෙතින් විදේශ විනිමය අවශ්‍යතා නොමැතිව ක්‍රියාත්මකවීමේ පදනම මත බවයි අමාත්‍යවරයා සඳහන් කරන්නේ.
සමාගම්වලින් අය කරන සේවා ගාස්තුවක් සමඟ සැපයුම්, තොග සහ බෙදා හැරීම සඳහා ඛනිජ තෙල් සංස්ථාව සේවා සපයන්නා වන අතර දැනට සිපෙට්කෝ සතුව පවතින පරවුම්හල් 1190 තුළින් තෝරාගත් අලෙවිසැල් සහ නව අලෙවිසැල් ලංකා IOC සහ තෝරාගත් නව සමාගම් සඳහා ලබාදීමට යෝජනාවී ඇති අතර පිරිපහදුව ඛනිජ තෙල් සංස්ථාව මඟින් ක්‍රියාත්මක කරන බවයි අමාත්‍යවරයා වැඩිදුරටත් සඳහන් කළේ.
