නිදහස් චින්තකයෙකුගෙන් 👇
2001 සිට මම වත්මන් ජනාධිපති රනිල් වික්‍රමසිංහට ඡන්දය දුන්නේ ඔහු ඒ වන විට එතරම් දූෂිතයෙකු නොවන බව දන්නා නිසා සහ ඔහු පක්‍ෂයේ ඒකාධිපතියෙකු වූ නමුත් එදා හොඳ කණ්ඩායමක් සමඟ අනෙක් අයට වඩා හොඳ නිදහස් වෙළඳපල සැලැස්මක් ඔහුට තිබුණු නිසාය. නමුත් අද වන විට ඔහු සෑම පැත්තකින්ම අලුත් සහ පරණ මෙගා තක්කඩියන් විසින් වට කරගෙන ඇත, ඔහු අද බලය ගැන පමණක් උනන්දුවෙන් නොයෙකුත් කටයුතු සිදුකරමින් සිටී.
රනිල් වික්‍රමසිංහ අග්‍රාමාත්‍ය ධුරය දරූ 2015 ආණ්ඩුවේ දී ඔහු ජනතාවට යහපාලනය පොරොන්දු වූ නමුත්, අවසානයේ ඔහුගේම පක්‍ෂයේ සහ රාජපක්ෂ රෙජීමයේ බැඳුම්කර මගඩිය සමඟ එක්වී දූෂිතයන් ආරක්ෂා කළේය, එතැන් පටන් මම ඔහුගේ අවංකකම පිළිබඳව තීන්දුවක් ගැනීමට පටන් ගත්තේය.
අද වන විට ඔවුන්ගේම ක්‍රියා නිසා බංකොලොත් වූ රට ඔහු නැවත ප්‍රකෘති තත්වයට ගත් බව කියමින් රනිල් වික්‍රමසිංහ වීරයාගේ චරිතය රඟදක්වමින් සිටී. මෙහි කිසිඳු සත්‍යතාවයක් නොමැත මන්දයත් ජනතාව විසින් ගෝඨාභය රාජපක්ෂ පන්නා දැමීමට පෙර ඔහුගේ ආණ්ඩුව විසින් මහ බැංකුවට සහ භාණ්ඩාගාරයට නන්දලාල් වීරසිංහ වැනි අලුත් කණ්ඩායමක් පත්කරන ලදි එම කණ්ඩායමේ ක්‍රියාකාරකම් මගින් මූලික වෙනස්කම් කිහිපයක් සිදු කළ අතර, වර්තමානය වන විට රටේ යම්කිසි ස්ථාවරත්වයක් පවතීනම් එයට ගෞරවය ලැබිය යුත්තේ රනිල් වික්‍රමසිංහට නොව එම කණ්ඩායමටයි.
රනිල් වික්‍රමසිංහ විසින් නොයෙකවාරයක් වත්මන් මහබැංකු අධිපති නන්දලාල් ඉවත් කර රනිල් වික්‍රමසිංහගේ හිතවතෙකු සහ ජෝන් අමරතුංගගේ බෑනා වන දිනේෂ් වීරකුඩි මහබැංකු අධිපති ධුරයට පත්කිරීමට සැලසුම් සකස් කළ අතර මහ බැංකු අධිපතිවරයාට පාර්ලිමේන්තුවේදී පහර එල්ල කිරීමට වජිර අබේවර්ධන යොදා ගත්තේය.
ගෝඨාභය රාජපක්ෂගේ නික්මයාමෙන් පසු පාර්ලිමේන්තුවේදී පැවති ජනාධිපතිවරණ ඡන්ද විමසීමේදී රාජපක්ෂ රෙජීමය විසින් රනිල් වික්‍රමසිංහ ජනාධිපති ලෙස වැඩි ඡන්දයෙන් තෝරා පත්කරගනු ලැබුවේ, අනෙක් අපේක්ෂකයා වන ඩලස් අලහප්පෙරුම ජයග්‍රහණය කළේ නම්, ආණ්ඩු පක්ෂය දේකට බෙදී විපක්ෂය අතට පාලන බලය හිමිවීමේ බිය නිසා සහ රාජපක්ෂ දේශපාලනය එතෙකින් නිමා වීමේ බිය නිසාය.
රටේ ආර්ථික කඩාවැටීම සම්බන්ධයෙන් ශ්‍රේෂ්ඨාධිකරණය විසින් වගකිව යුතු පාර්ශ්වයන් ලෙස නම් කර ඇති රාජපක්ෂ, කබ්රාල්, පී බී ජයසුන්දර ආරක්ෂා කරන ආකාරය පිළිබඳව රනිල් වික්‍රමසිංහ සහ මහින්ද රාජපක්ෂ විසින් සැලසුම් කර තිබුණි. එමනිසා රාජපක්ෂගේ ආරක්‍ෂක ලේකම් වන කමල් ගුණරත්න, ගෝඨා ආරක්ෂා කළ අලි සබ්රි, රාජපක්ෂලාගේ ඉතාමත් කුළුපඟ හිතවතුන් වන ශවීන්ද්‍ර සිල්වා සහ දේශබන්දු තෙන්නකෝන් තවමත් බලයේ සිටිති.
මේ වන විට රනිල් වික්‍රමසිංහට තමාගේ වාසිය වෙනුවෙන් මානව හිමිකම් යන වචනය හුදෙක් අර්ථ විරහිත වචනයක් පමණක්ම වී තිබේ. ඩයනා ගමගේ හිටපු මන්ත්‍රීවරියගේ ගැටලුවේදී එය හොදින් ඉස්මතු වී පෙනෙන අතර විදේශික රටක කාන්තාවක් වන ඩයනා ගමගේට හිතූ හිතූ පරිදි මහජන මුදල් අවබවිත කිරීමට ඉඩදී රනිල් වික්‍රමසිංහ තමාගේ වාසිය වෙනුවෙන් පසෙකට වී බලා සිටියේය.
සාගල රත්නායක, වජිර අබේවර්ධන, රවී කරුණානායක, මහින්දානන්ද, රෝහිත, ප්‍රසන්න, ජොන්ස්ටන් ආදි රාජපක්ෂ රෙජීමයේ සම්පූර්ණ දූෂිතන්, තොණ්ඩමන්, කරුණා අම්මාන්, පස්කුන් ප්‍රහාරය පිළිබඳව ප්‍රභල වගකිවයුත්තෙකු ලෙස සමාජය පිළිගන්න සිවනේසතුරේ චන්ද්‍රකාන්තන් හෙවත් පිල්ලියාන් යන ආදීහු දැන් රනිල් වික්‍රමසිංහගේ ප්‍රබල දේශපාලන ආධාරකරුවන් වී ඇත.
සිදුවෙන සියල්ල මේ වන විට ජනතාවට පැහැදිලි වෙමින් පවතී එක් පසෙකින් රනිල් වික්‍රමසිංහ යොදාගෙන බැසිල් පොහොට්ටුව නැවතත් ශක්තිමත් කිරීමට සැලසුම් කරමින් සිටී, තවත් පසෙකින් මහින්ද රාජපක්ෂ රනිල් වික්‍රමසිංහගෙන් පසු නාමල් රාජපක්ෂට වාරය පැමිණෙන තුරු පිටිය සකස් කරමින් සිටී.
තවත් පසෙකින් රනිල් වික්‍රමසිංහ තම පරණ මිතුරුය වන චන්ද්‍රකා යොදාගෙන ශ්‍රී ලංකා නිදහස් පක්ෂය බිද දැමීමේ උපරිම උත්සහයක් ගනිමින් සිටී.
