ගාල්ල මාගාල්ල ඉන්ධන පිරවුම්හලේ පෝලිමේ සිටි දෙපිරිසක් අතර ඊයේ රාත්‍රි ඇතිවු ආරවුලකදි එක් අයෙකු මියගොස් තවත් තිදෙනෙකු බරපතල තුවාල ලබා කරාපිටිය රෝහලට ඇතුලත් කර ඇත.
මෙසේ මියගොස් ඇත්තේ හබරාදුව වංචාවල යටගල පදිංචිව සිටි 25 හැවිරිදි පුද්ගලයෙකි.
ඊයේ රාත්‍රි ඉන්ධන පෝලිමට පැමිණි පුද්ගලයෙකු තම මෝටර් රථය මිතුරෙකුගේ වෙළඳසලක් ඉදිරිපිට ඉඩ තිබු ස්ථානයකින් පෝලිමට ඇතුලු කිරිමට උත්සාහ කල අවස්ථාවේ පෝලිමේ පිටුපස සිටි පිරිසක් එයට විරෝධය පලකර ඔහු සමග ගැටුමක් ඇතිකරගෙන තිබේ.
එහි දි පෝලිමේ සිටි තිදෙනෙකු ද පහරදිමට පැමිණි කණ්ඩායමේ එක් අයෙකු ද බරපතල තුවාල ලබා කරාපිටිය රෝහලට ඇතුලත් කිරිමෙන් පසු අදාළ තරුණයා මියගොස් ඇත.
මේම සිදුවීම සම්බන්ධයෙන් පොලිස් මාධ්‍ය කොට්ටසය නිවේදනයක් නිකුත් කරමින් පවසා සිටියේ දෙපිරිසක් අතර ඇති වූ ආරවුලක් දුරදුග යෑම හේතුවෙන් මෙම මරණය සිදු වූ බවයි.
