චීන-ඇමරිකා ආර්ථික හා වෙළඳ සහයෝගිතාව ශක්තිමත් කිරීම වඩා වැදගත් බව චීන අගමැතිවරයා පවසයි
චීන අගමැති Li Keqiang මහතා සහ ඇමරිකානු වාණිජ මණ්ඩල සභාපතිනි Suzanne P. Clark මහත්මිය ප්‍රමුඛ නියෝජිත පිරිස අතර හමුවක් ඊයේ (28) බෙයිජිංහි දී පැවැත්වුණා.
චීන සහ ඇමරිකා ආර්ථිකයන් බෙහෙවින් අනුපූරක වන අතර, ආර්ථික හා වෙළඳ සහයෝගිතාව ශක්තිමත් කිරීම දෙරටටම ප්‍රතිලාභ ගෙන දෙන බවයි Li Keqiang මහතා එහිදී පෙන්වා දුන්නේ.
මෙම වසර චීන-ඇමරිකා රාජ්‍ය තාන්ත්‍රික සබඳතාව ස්ථාපිත කිරීමේ 45වැනි සාංවත්සරික වසරයි.
දෙරටේ නායකන්ගේ එකඟතා ක්‍රියාවට නැංවීමෙන් ඇමරිකාව සමග යහපත් හා ස්ථාවර ද්විපාර්ශ්වික සබඳතාවක් ප්‍රවර්ධනය කිරීමට චීනය කැමැත්තෙන් සිටින බව ද Li Keqiang මහතා ප්‍රකාශ කර තිබෙනවා.
චීන-ඇමරිකා සබඳතාව අතිශයින් වැදගත් වන අතර, දෙරට අතර සම්බන්ධතා කිසිදා අත්හල නොහැකි බව Suzanne P. Clark මහත්මිය එහිදී පවසා තිබෙනවා.
දෙරටේ ආර්ථික හා වෙළඳ සබඳතාව සහ සහයෝගිතාව ශක්තිමත් කිරීමට ඇමරිකානු වාණිජ මණ්ඩලය කැපවන බව ද ඇය සඳහන් කළ බවයි වාර්තා වන්නේ
