ජනපති ගෝඨාභයගේ පලායෑම සම්බන්දයෙන් මේ වන විට රට තුල කටකතා පැතිරෙන බවත් එම කටකතා අසත්‍ය බවත් ඉන්දියානු මහ කොමසාරිස් කාර්යාලය පවසයි.
ඔවුන් මේ බව සඳහන් කරන්නේ ඉන්දියාව ජනාධිපතිවරයාගේ සහ බැසිල් රාජපක්ෂ ගේ පිටවීමට පහසුකම් සැලසූ බවට අතැම් සමාජ මාධ්‍යවල පළවන ප්‍රචාරයන්ට ප්‍රතිචාර වශයෙනි.
High Commission categorically denies baseless and speculative media reports that India facilitated the recent reported travel of @gotabayar @Realbrajapaksa out of Sri Lanka. It is reiterated that India will continue to support the people of Sri Lanka (1/2)
— India in Sri Lanka (@IndiainSL) July 13, 2022
ඉන්දීය මහ කොමසාරිස් කාර්යාලය නිවේදනයක් නිකුත් කරමින් තවදුරටත් පවසන්නේ මේ මොහොතේ ශ්‍රි ලංකාවේ ජනතාව පවතින දුෂ්කරතාවලින් මුදවාගෙන ඔවුන් අපේක්ෂා කරන සෞභාග්‍යය ළඟා කර ගැනීම සඳහා ශ්‍රි ලංකාවේ ජනතාවට සහය ලබා දීමට ඉන්දියාව කැපවී සිටින බවයි.
මේ අතරම ඊයේ සවස ජනාධිපතිවරයා ඇතුළු 17 දෙනෙකුට ඩුබායි රාජ්‍යයට පිටවී යෑම සඳහා නිෂ්කාශන කටයුතු ගුවන්තොටුපල ආගමන විගමන අංශ ප්‍රතික්ෂේප කළ බව ද ඉන්දීය මාධ්‍ය වාර්තා කර තිබිණි. එම වාර්තාව ආගමන විගමන දෙපාර්තමේන්තුවෙන් ප්‍රතික්ෂේප කල බවයි මේ වන විට මාධ්‍ය වල සදහන් වන්නේ
