බණ්ඩාරනායක ජාත්‍යන්තර ගුවන් තොටුපළේ තීරුබදු රහිත ඉලෙක්ට්‍රොනික භාණ්ඩ සහිත වෙළඳසැල් දෙවන මහලට ගෙන යාමට රුපියල් මිලියන 225 ක් වැය කර ඇති බව බලධාරීහු පවසති.
ඉලෙක්ට්‍රොනික භාණ්ඩ වෙළඳසැල් 31ක් සඳහා දෙවන මහලේ වර්ග මීටර් 1900ක් වෙන් කිරීමට ගුවන්තොටුපොළ බලධාරීන් පියවර ගෙන ඇත.
ගුවන් තොටුපළේ ප්‍රතිරූපය ඉහළ නැංවීම සඳහා ඉලෙක්ට්‍රොනික වෙළඳසැල් වෙනත් ස්ථානයකට ගෙන ගොස් ඇති බව වාර්තා වේ.
“බණ්ඩාරනායක ජාත්‍යන්තර ගුවන් තොටුපළේ (BIA) තීරුබදු රහිත ප්‍රදේශයේ මගී අත්දැකීම වැඩි දියුණු කිරීමේ අරමුණින් තීරුබදු රහිත සියලුම ඉලෙක්ට්‍රොනික වෙළඳසැල් පැමිණීමේ පර්යන්ත ගොඩනැගිල්ලේ 2 වන මහල වෙත ගෙන යන ලදී,” යනුවෙන් ගුවන්තොටුපළ සහ ගුවන් සේවා ආයතනය මගින් නිවේදනයක් නිකුත් කර ඇත.
ඉදිකිරීම් සඳහා එස්කැලේටර් දෙකක් සහ වීදුරු සෝපාන දෙකක්, නව ව්‍යුහාත්මක වානේ පඩිපෙළක්, පවතින විදුලි සෝපාන තුනක් දිගු කිරීම සහ නාන කාමර හතරක් ඉදිකිරීම යනාදිය ඇතුළත් විය.
