ආණ්ඩුව කටයුතු කරන්නේ රාජපක්ෂ පවුලේ අනාගතයට හොදම මැතිවරණය ඉක්මනින් පවත්වන්න බවත් ආණ්ඩුවට රටේ ජනතාව ගැන හෝ රටේ ප්‍රජාතන්ත්‍රවාදය ගැන කිසිදු තැකිමක් නැති බවත් පාර්ලිමේන්තු මන්ත්‍රී මුජිබර් රහුමාන් මහතා පැවැසීය.
වැඩිදුරටත් අදහස් දක්වමින් පාර්ලිමේන්තු මන්ත්‍රී මුජිබර් රහුමාන් මහතා කීවේ , ජනාධිපතිවරණයේදී රනිල් වික්‍රමසිංහ මහතා ජයගන්නේ නැති බව රාජපක්ෂවරු ප්‍රමුඛ කණ්ඩායම දන්නා බවත් එම නිසා ජනාධිපතිවරණයට පෙර පාර්ලිමේන්තු මැතිවරණය ලබාගැනීමට පොදුජන පෙරමුණ ඇතුළු කණ්ඩායම දැඩි උත්සාහයක නිතර වන බවත්ය.
කොළඹ විපක්ෂ නායක කාර්යාලයේ පසුගියදා පැවැති මාධ්‍ය හමුවට සහභාගි වෙමින් පාර්ලිමේන්තු මන්ත්‍රී මුජිබර් රහුමාන් මහතා මේ බව සඳහන් කළේය.
සමගි ජනබලවේගය ඕනෑම මැතිවරණයටකට සුදානම් බවත් ජනාධිපතිවරණ මැතිවරණයට සමගි ජනබලවේගය සහ සමගි ජනබලවේගයේ නායක සජිත් ප්‍රේමදාස මහතා සුදානමින් සිටින බවත් ජනාධිපතිවරයට පෙර පාර්ලිමේන්තු මැතිවරණය පැවැතියහොත් ඒ සඳහාත් සමගි ජනබලවේගය සුදානම් බවත් අනිවාර්යෙන් සමගි ජනබලවේගයේ නායක සජිත් ප්‍රේමදාස මහතා අගමැති පුටුවේ වාඩි කරනවන බවත් මුජිබර් රහුමාන් මහතා පැවැසීය.
