අඛණ්ඩව ජනතා සේවය සලසන නොනිදා ප්‍රාදේශීය සභාවක් සහ පළාත් පාලන ආයතනයක් ගොඩනැගීම සමගි ජන බලවේගය ඒකායන අරමුණ බවත්, සමගි ජන බලවේගයෙන් පත්වෙන සියලුම පළාත් පාලන මන්ත්‍රීවරුන්ට අනන්‍ය වූ සුවිශේෂී නීති නීතිරීති මාලාවක් තිබෙන බවත්, ඒවා උල්ලංඝනය කරන ඕණෑම මන්ත්‍රීවරයෙකුට දඬුවම් විඳීමට සිදුවන බවත්, ඔවුන් නොවරදවාම විනය පියවර ගෙන නෙරපා හරින බවත් විපක්ෂනායක විපක්ෂ නායක සජිත් ප්‍රේමදාස මහතා පැවසීය.
සිය මන්ත්‍රීවරුන්ට කොන්ත්‍රාත් තහනම් බවත්, සභාවේ සහ මහජනතාවගේ දේපල සමග සෙල්ලම් කිරීමට ඉඩ නොදෙන බවත් පැවසූ විපක්ෂ නායකතුමා, සමගි ජන බලවේගය විසින් විනයගරුක ප්‍රාදේශීය සභාවක් ගොඩනගන බව ද පැවසීය.
ඉතිහාසයේ කිසි දවසක සමගි ජන බලවේගය හෝ තමන් රාජපක්ෂවරු බලයට ගෙන ඒමට ගෙයින් ගෙට කැන්වසින් නොගිය බවත්, රැස්වීම් නොපැවැත්වූ බවත් පැවසූ විපක්ෂ නායකතුමා, රට විනාශ කළ,ජන ජීවිත සමග සෙල්ලම් කළ කිසිවෙකුට රට ගොකුට රට ගොඩනැඟීමට හැකියාවක් නැති බවද පැවසීය.
දේශපාලඥයන් ඇතුළු පිරිස් විසින් සොරා කන ලද මුදල් නැවත ලබා ගැනීම උදෙසා පාර්ලිමේන්තුවට පනතක් ගෙන එන බවත්, සර්ව පාක්ෂික කොමිෂන් සභාවක් පිහිටුවන බවත් විපක්ෂ නායකතුමා පැවසීය.
කයිවාරු මගින් මේ රට ගොඩ නැගිය නොහැකි බව පැවසූ විපක්ෂ නායකතුමා සුරංගනා කතා වලට නොරැවටී රට ගොඩනැඟිය හැක්කේ කාට ද යන්න රටේ ජනතාව තීන්දු කළ යුතු බවද පැවසීය. නිරුත්තර රටට උත්තරයක් මැයින් සමගි ජන බලවේගය විසින් සංවිධානය කරන ලද රැස්වීමකට දෙහිඅත්තකන්ඩියේ දී එක්වෙමින් විපක්ෂ නායක තුමා මේ බව පැවසීය.
